ჰიჯრა – ეს ერთგვარი მესამე სქესია ინდოეთში, პაკისტანსა და ბანგლადეშში. ჰიჯრები დაბადებით მამაკაცების რელიგიური–სოციალური ერთობაა, რომლებიც ქალებივით იცვამენ და ქალღმერთ მატას, დედა ქალღმერთის ათასთაგან ერთერთ იპოსტასს ეთაყვანებიან. მათი რწმენის მიხედვით, ადამიანი ნამდვილი ჰიჯრა მაშინ გახდება, როცა კასტრაციის რიტუალს გაივლის. ჩვეულებრივ ამას აკეთებს მათივე წრის ერთერთი ყველაზე გამოცდილი წარმომადგენელი კერძო სახლებში, ან სულაც ტყეში (ოპერაცია ინდოეთში ოფიციალურად უკანონოდ ითვლება, და ამიტომ მას მხოლოდ კერძო პირები ატარებენ და ძირითადად ანესთეზიის გარეშე).
ჰიჯრები ინდოეთში ტრადიციულად მსახიობებად გამოდიოდნენ ქორწილებსა და ისეთ სახლებში, რომლებშიც ვაჟი იბადებოდა. ვაჟის დაბადება ინდოეთშიც მნიშვნელოვან მოვლენად ითვლება ოჯახში. ჰიჯრები მიდიან სახლში, ხშირად ყოველგვარი მიწვევის გარეშეც, ლოცავენ ახალშობილ ბიჭუნას, ხოლო ოჯახს მუსიკით, ცეკვებით და სიმღერებით ართობენ. თავიანთი გამოსვლის საზღაურად ჰიჯრებს ფულს და ოჯახისგან საჩუქრებს აძლევენ.
ჰიჯრები ტრადიციულად ინდუისტები არიან სარწმუნოებით, მაგრამ არა ყველა. მცირე ოდენობით არიან მუსულმანებიც. ისინი ძირითადად ერთად ცხოვრობენ „სახლებში“, სადაც მკაცრადაა განაწილებული როლები და მოვალეობები, ისევე როგორც ჩვეულებრივ ოჯახებში.
ჰიჯრების დიდი ნაწილი თავისი ცხოვრების გარკვეულ ეტაპზე თავს პროსტიტუციით ირჩენს. სრულუფლებიანი ჰიჯრა ეს ისეთი ჰიჯრაა, რომელსაც გენიტალიები აქვს მოკვეთილი. ინდურ საზოგადოებაში მათდამი პარადოქსალურად აღრეული დამოკიდებულებაა, რაც ერთდროულად მათდამი პატივისცემასა და ზიზღში გამოიხატება.
გავრცელებულია აზრი, რომ „წესიერი“ ინდოელი ოჯახის კაცი, რომელიც დღისით ჰიჯრების კასტის წარმომადგენლებს უშვერი სიტყვებით ლანძღავს, ღამით სიამოვნებით დათანხმდება მათგან მოფერებას.
ამ მრავალრიცხოვან კასტაში შედიან ჰერმაფროდიტები, ბისექსუალები, კასტრატები, ტრანსვესტიტები და ჰომოსექსუალები... ჰიჯრების 20%–ს, ძირითადად, ტრანსვესტიტებს ოჯახებიც ჰყავთ და შვილებიც. შეიძლება ითქვას, რომ ჰიჯრა ეს არის სოციალური ან რელიგიურ–საკულტო, ფიზიოლოგიური ერთობა ან თავისებური კასტა, რომელსაც გარკვეული, ძირითადად, ძალიან დაბალი საზოგადოებრივი სტატუსი გააჩნია, მაგრამ ამავე დროს ჰიჯრები სპეციფიური დიდი პატივისცემითაც სარგებლობენ. მათი საერთო ოდენობა მარტო ინდოეთში სხვადასხვა მონაცემებით 500 ათასიდან 5 მილიონამდეა, მაგრამ რადგან ოფიციალურად „მესამე“ სქესი არ არსებობს, მათი რაოდენობის აღრიცხვაც ძალიან რთულია.
11 ოქტომბერს ბოლივუდის Shehenshah–ს, ინდური კინოს სუპერვარსკვლავს, ბოლივუდის უდიდეს მსახიობს ამიტაბჰ ბაჩანს ანუ Big B–ს, როგოც მას ბოლო დროს უწოდებენ, 67 წელი შეუსრულდა. ამიტაბჰ ბაჩანი ჰინდი პოეტის Dr. Harivansh Rai Bachchan–ის ოჯახში დაიბადა. თავისი კარიერა ბოლივუდში მან 1969 წელს დაიწყო და ახლა 2009 წელს თავისი კინოცხოვრების 40 წლის იუბილესაც აღნიშნავს.
