გელით facebook–ზე

27.03.2017

ირფან ხანის მონაწილეობით თბილისში მორიგი ბოლივუდური ფილმის გადაღებები მიმდინარეობს

არავისთვისაა საიდუმლო, რომ დღესდღეობით თბილისი და მთლიაანდ საქართველო ინდოელი კინომწარმოებლებისთვის ერთერთი ყველაზე მიმზიდველი ადგილია. ბოლო დროს ბევრი ფილმი თუ მუსიკალური კლიპი გადაიღეს საქართველოში მსოფლიოს ყველაზე მსხვილი კინოწარმოების წარმომადგენლებმა. შესაბამისად, არც დიდი ბოლივუდელი თუ ზოგადად ინდოელი მსახიოებების ვიზიტები უკვირთ საქართველოში. თითქოს სულ ახლახანს იყო, რომ ინდური კინოს გულშემატკივრები სიხარულით ხვდებოდნენ მითხუნ ჩაკრაბორტის, ჰემა მალინისა თუ რიში კაპურს. ამჯერად კი საქართველოს დედაქალაქს მრავალოსკაროსანი ფილმის "ჯურღმულელი მილიონერის" ერთერთი მთავარი პერსონაჟის განმასახიერებელი ირფან ხანი სტუმრობს მორიგი ინდური ფილმის გადაღებების ფარგლებში. ქვემოთ უცვლელად გთავაზობთ მეწარმეობის განვითარების სააგენტოს პრესრელის ამ თემაზე:





კინოინდუსტრიის წახალისების პროგრამის „გადაიღე საქართველოში“ ფარგლებში, საერთაშორისო პრომო-კამპანიისა და გაცნობითი ხასიათის პრეზენტაციის შედეგად, რომელიც მსოფლიოს მასშტაბით სხვადასხვა ქვეყნებში ტარდება მათ შორის მუმბაიშიც, საქართველო, როგორც კინოგადაღების მოედანი უფრო და უფრო დატვირთული ხდება და უცხოელი პროდიუსერების დაინტერესებაც შესამჩნევად მატულობს.

ამჟამად საქართველო ინდოელ რეჟისორებსა და მსახიობებს მასპინძლობს, რომლებიც რომანტიკულ კომედიაზე მუშაობენ სახელწოდებით „ჰინდი მედიუმი“ (Hindi Medium). აღსანიშნავია, რომ ფილმში მონაწილეობენ ცნობილი მსახიობები, მათ შორის, საერთაშორისოდ აღიარებული პაკისტანელი მსახიობი საბა ქამარი და ბოლივუდის წამყვანი მსახიობი ირფან ხანი, რომელიც თამაშობდა ისეთ ფილმებში, როგორებიცაა: ოსკარის მფლობელი „მილიონერი ღარიბთა უბნიდან“, კანის საერთაშორისო კინოფესტივალის მიერ აღიარებული მელოდრამა „ლანჩის ყუთი“, მძაფრსიუჟეტიანი სათავგადასავლო ფილმი „წარმოუდგენელი ადამიანი-ობობა,“ 2016 წლის ბლოკბასტერი ტრილერი „ინფერნო“, სადაც მან ცნობილ ამერიკელ მსახიობ ტომ ჰენქსთან ერთად იმუშავა.

ხსენებული ფილმის დიდი ნაწილი ინდოეთშია გადაღებული, თუმცა ინდოელმა რეჟისორებმა შარადა კარკიმ (Sharada Karki) და დინეშ ვიჯანმა (Dinesh Vijan) სწორედ თბილისის სხვადასხვა ლოკაცია შეარჩიეს ფილმში ერთ-ერთი ყველაზე მასშტაბური ცეკვის სცენის გადასაღებად, რომლისთვისაც საერთაშორისოდ აღიარებული ინდოელი ქორეოგრაფი აჰმედ ხანი (Ahmed Khan)  მოიწვეს. ინდოელი რეჟისორების საქართველოთი დაინტერესება პროგრამის „გადაიღე საქართველოში“ შედეგია. პროგრამის ფარგლებში ცნობილი რეჟისორი და ლოკაციის მენეჯერი ბობი ხანი (Bobby Khan) რამდენჯერმე ესტუმრა საქართველოს სხვადასხვა რეგიონს და საქართველო აღმოსავლეთ ევროპის ერთ-ერთ საუკეთესო გადასაღებ ლოკაციადაც კი დაასახელა.

ახალი, ინდური რომანტიკული  კომედიის გადაღებები სამი დღის განმავლობაში, 26, 27 და 28 მარტს თბილისის ქუჩებში გაიმართება. კერძოდ კი დღეს 27 მარტს, 16:00 სთ-ზე, აბანოთუბნის ტერიტორიაზე, ჟურნალისტებს შესაძლებლობა მიეცემათ დაესწრონ ფილმის გადაღებებს და გაესაუბრონ, როგორც ფილმის რეჟისორებს, ასევე ქართული საპროდიუსერო კომპანიის წარმომადგენლებსა და უცხოელ მსახიობებს.



შენიშვნა: 

პროგრამის „გადაიღე საქართველოში“ ფარგლებში, საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტოს მხარდაჭერით, რომელიც ეროვნულ კინოცენტრთან თანამშრომლობით ახორციელებს აღნიშნულ პროგრამას, ჯამში განხორციელდა 5 პროექტი, რომლის  შედეგადაც საქართველოში ჯამში 7 310 000  მილიონი ლარი დაიხარჯა, ხოლო ადგილობრივად 650 ადამიანი დასაქმდა. რაც შეეხება სამომავლო გეგმებს, ამჟამად  სხვადასხვა საერთაშორისო პროდიუსერებთან მიმდინარეობს მოლაპარაკებები დამატებით რამდენიმე ფილმის გადაღებაზე საქართველოში. ამავე პერიოდში საქართველოში განხორციელდა არაერთი რეკლამის თუ მუსიკალური ვიდეო რგოლის გადაღებები, რაც ასევე ხელს უწყობს ქვეყნის, როგორც აღმოსავლეთ ევროპის საუკეთესო გადასაღები ლოკაციის პოპულარიზაციას.

ამასთანავე, მეწარმეობის განვითარების სააგენტოს მიერ პროგრამის საერთაშორისო მასშტაბით პოპულარიზაციის კუთხით ხორციელდება რიგი ღონისძიებები მათ შორის ე.წ Road Show-ები, რისი მეშვეობითაც ხდება საერთაშორისო პროდიუსერებისათვის ინფორმაციის ამომწურავად გაცნობა, მხარეებისათვის გადასაღები ლოკაციების შეთავაზება და კინოწარმოებასთან დაკავშირებით ქვეყნის პოტენციალის სრულად წარმოჩენა.

1 комментарий:

waldorfzaleski комментирует...

Casinos Near Me - Harrah's Cherokee Casino Resort
The 청주 출장샵 Harrah's 통영 출장안마 Cherokee 아산 출장안마 Casino Resort is located in Cherokee, North Carolina. The property features a 밀양 출장샵 full casino, 경상북도 출장마사지 2,100 slot machines,