გელით facebook–ზე

30.03.2009

ნაომი კემპბელი მუმბაიში

ბრიტანელმა სუპერმოდელმა შაბათს მუმბაიში მონაწილეობა მიიღო მოდების საქველმოქმედო ჩვენებაში, რომელიც გასულ წელს ქალაქში მომხდარი ტერორისტული აქტების მსხვერპლთა დახმარბის მიზნით ჩატარდა.

„მე მიყვარს ინდოეთი“ – თქვა მუმბაიში ჩასვლისას სუპერმოდელმა, – „გასული წლის ტერაქტმა მძიმე კვალი დამიტოვა გულში".

მოდების ჩვენებაში სახელწოდებით „Mai Mumbai“ ნაომისთან ერთად მონაწილეობდნენ ბოლივუდის ვარსკვლავები, ინდოელი სპორტსმენები და ბიზნესმენები. შოუზე წარმოდგენილი იქნა ცნობილი დიზაინერების Dolce and Gabbana, Zac Pozen,Versace, Roberto Cavalli, Oscar de la Renta და ასევე ინდოელი დიზაინერების კოლექციები. აუქციობზე კოლექციების გაყიდვიდან შემოსული თანხები მუმბაის ჰოსპიტალებს და ამბულატორიებს გადაერიცხებათ.

28.03.2009

ინდური გამოფენა თბილისში

იმ ადამიანებს, ვისაც ინდოეთი უყვარს და სურვილი აქვს ინდური ნაწარმი შეიძინოს, სასიამოვნო სიურპრიზი ელით „ექსპოჯორჯიას“ საგამოფენო პავილიონებში, სადაც დღეს ინდური ნაწარმის დიდი გამოფენა–ფაყიდვა გაიხსნა. ტანისამოსი, საოჯახო ნივთები, საწოლის ფერად–ფერადი თეთრეული და გადასაფარებლები, ბიჟუტერია და მარგალიტის სამკაულები, სამაჯურები, ბეჭდები, სუვენირები, მოკლედ ყველაფერი, რაც ინდოეთთან ასოცირდება, უხვადაა ამ გამოფენაზე. გამოფენა სახელწოდებით „აღმოსავლური ბაზარი“ ინდოეთის საელჩოს მხარდაჭერით მიმდინარეობს და 5 აპრილამდე გაგრძელდება.

გამოფენაზე მისულმა ინდოეთის ელჩმა ქალბატონმა რინა პანდეიმ და საქართველოს ეკონიმიკის მინისტრმა ლაშა ჟვანიამ თქვეს, რომ ამ გამოფენის მიზანია ორ ქვეყანას შორის ეკონომიკური ურთირთობების გაღრმავება. აღსანიშნავია, რომ საქართველოში ინდოეთის ელჩის მოვალეობებს სომხეთი ინდოეთის ელჩი ითავსებს. ეს ის ქალბატონია, რომელმაც დღეს გამოფენა გახსნა.

სავაჭრო სექციები „ექსპოჯორჯიას“ მეოთხე და მეხუთე პავილიონებშია განლაგებული და საკმაოდ დიდი ფართობი უკავიათ. პავილიონის შესასვლელში დაგხვდებიან მუსიკოსები, რომლებიც ასრულებენ ცნობილ მელოდიებს ინდური ფილმებიდან.

პავილიონში ინდური კეთილსურნელება იგრძნობა, რადგან ბლომად იყიდება როგორც სანდალის ხის სურნელოვანი ჩხირები, ასევე სურნელოვანი ზეთებიც, რომლებიც პავილიონებში სპეციფიურ ინდურ გარემოს ქმნიან ამავე დროს. ტანსაცმლისა და თეთრეულის გარდა უამრავია ხალიჩები, საოჯახო ავეჯი, სკივრები, კომოდები, ყველაფერი ხელით ნაკეთია.

ფასებს რაც შეეხება, ნამდვილად ხელმისაწვდომია ქართველი მყიდველისთვის. მართალია იმაზე ძვირია, რა ფასიც ინდოეთში ადევს ამ საქონელს, მაგრამ გასათვალისწინებელია, რომ ამხელა გზაზე ამ საქონლის ჩამოტანა არც ისე მარტივია. მაგრამ თუ თქვენ საქონელი ძვირი გეჩვენათ, და ფასები თითქმის ყველაფერს აწერია და ყველა სექციაში ერთნაირ საქონელზე ერთნაირი ფასებია, ნუ იქნებით ქართველი გამყიდველების იმედად და შეეცადეთ თვითონ საქონლის მეპატრონე ინდოელებს შეევაჭროთ, რა თქმა უნდა ინგლისურად. ზოგმა რუსულიც იცის. შევაჭრება ინდოელებთან აუცილებელიცაა, რომ ტრადიცია არ დაირღვეს და ისიც კმაყოფილი იქნება საქონლის გაყიდვით შევაჭრების შემდეგ. მეც ვიყიდე რაღაც ნივთები და რა თმა უნდა შევევაჭრე კიდეც და დამიკლეს კიდეც. დამიჯერეთ, ვისაც ინდური საქონელი გაინტერესებთ, ნამდვილად არ ინანებთ.

ქვემოთ შეგიძლიათ ნახოთ გამოფენაზე გადაღებული სურათები და თუკი შეამჩნევთ თქვენთვის სასურველ ნივთებს, შეგიძლიათ 5 აპრილამდე შეიაროთ „ექსპოჯორჯიაში“.











აქვე გთავაზობთ სააგენტო "ინტერპრესნიუსის" ფოტოებს გამოფენის გახსნიდან:





აიშვარია რაის ბარბის თოჯინა

გავრცელებული ხმებით, აიშვარია რაი პირველი ინდოელი იქნება, ვისი სახეც ექნება ბარბის ერთერთ თოჯინას. ჰოლივუდში უკვე მოდაში შემოვიდა, რომ ცნობილი ადამიანები თავიანთი სახის გამოყენების უფლებას აძლევენ ბარბის თოჯინების მწარმოებლებს. ასეთ თოჯინებს უკვე აქვთ დაიანა როსის, შერის, ბეიონსის და სხვების სახეები.

როგორც წყარო აცხადებს, აიშვარია რაი ბაჩანი ამჟამად მოლაპარაკებებს აწარმოებს კომპანია Mattel Toys-India–სთან მისი მშვენიერი სახის მიხედვით თოჯინის შექმნასთან დაკავშირებით. თუ ყველაფერი კარგად იქნება, ბარბის ახალ თოჯინას ულამაზესი მწვანე თვალები ექნება და საუკეთესო ინდოელი დიზაინერების ტანისამოსში იქნება გამოწყობილი.

26.03.2009

ლინგვისტუსის ბლოგი - ხმელთაშუაზღვისპირეთის სიმღერა

ერთერთ ქართულ ბლოგზე, რომლის სახელიცაა "ლინგვისტუსის ბლოგი", ავტორმა გამოაქვეყნა საინტერესო სტატია ერთი სიმღერის ისტორიის შესახებ. ამ ისტორიამ, ისევე როგორც თვითონ სიმღერამ და მელოდიამ ძალიან მომხიბლა და ავტორს ვთხოვე, რომ მის ამ პოსტს ჩემს ბლოგზეც გამოვაქვეყნებდი. თუ ვინმემ ვერ გაიგო, რატომ მაინც და მაინც ეს პოსტი, მომწეროს და ავუხსნი თუ არ დამეზარა :) გრძელი ისტორიაა :) მოკლედ აგერ ეს პოსტიც:

ხმელთაშუაზღვისპირეთის სიმღერა

ლადინო თავდაპირველად ესპანურის, ივრითის, არამეულის და არაბულის ნაზავი იყო. ამ ენაზე შუა საუკუნეებში ესპანეთში მცხოვრები ებრაელები საუბრობდნენ. ფერდინანდმა და იზაბელამ ებრაელები ესპანეთიდან რომ განდევნეს (1492 წელს), მრავალი მათგანი ბალკანეთში გადაბარგდა. მათ თან ყველაზე ძვირფასი “ბარგი” წაიღეს, იმ ენის სახით, რომელზედაც საუბრობდნენ. დროთა განმავლობაში ლადინოს ბალკანური კვალი დაეტყო და მასში თურქული და ბერძნული ელემენტები გაჩნდა.

ზოგიერთი ენათმეცნიერი ამტკიცებს ენის შენახვა–გადარჩენის ერთ–ერთი უმნიშვნელოვანესი საშუალება სიმღერააო. ესპანეთიდან დევნილებმა ენასთან ერთად ის კულტურული გარემოც წააყოლეს ხელს, რომელთა გარეშე ენა ხელოვნური და უმაქნისი ხდება. კონკრეტულ შემთხვევებში სიმღერაზე მაქვს საუბარი, უფრო დაზუსტებით კი “ფელ შარა”–ზე. ამ სიმღერას, უფრო სწორად მელოდიას მრავალსაუკუნოვანი ისტორია აქვს. საინტერესო კი ის არის, რომ ხმელთაშუაზღვისპირეთში მოსახლე ყველა ხალხს ამ სიმღერის საკუთარი ვარიანტი აქვს, შეხვდებით არაბულ, თურქულ, მაკედონიურ, ბულგარულ, სერბულ, ბერძნულ, ხორვატულ, ბოსნიურ ვერსიებს… თითოეულ მელოდიაზე ორიგინალური ტექსტია დადებული და ყოველ ერს ეს მელოდია საკუთარი ეროვნული თვითმყოფადობით აქვს გამდიდრებული. ყველაზე საინტერესო კი ის არის, რომ ეს სიმღერა ყველას საკუთარი ჰგონია.


ბოლო ორი დღის განმავლობაში ამ სიმღერის ათამდე ვარიანტი მოვისმინე და ჩემს გაკვირვებას საზღვარი არ ჰქონდა, როდესაც აღმოვაჩინე “ბონი–ემ”–ის ჰიტის, “რასპუტინის” დასაწყისი “ფელ შარას” მელოდია გახლავთ, შემდგომში არანჟირებული და ოდნავ გაჯაზებული. მრავალჯერ მითქვამს და კვლავაც გავიმეორებ, რომ ტექსტუალური ადამიანი ვარ, ამიტომაც აუდიოვიზუალურ მხარეს მეორეხასისხოვანი დატვირთვა ჰქონდა, როდესაც ამ შესანიშნავი მელოდიის მულტიკულტურულ ვარიაციებს ვისმენდი. კერძოდ კი სიმღერის ტექსტმა მომხიბლა, აი ისიც:

Fel Shara canet betet masha
la signorina aux beaux yeux noirs
como la luna etait la sua facia
qui eclairait le boulevard

Volevo parlar shata metni
because her father was a la gare
y con su umbrella darabetni
en reponse a mon bonsoir

Perche’ my dear tedrabini
kuando yo te amo kitir
and if you want tehebini
il n’y a pas lieu de nous conquerir

Totta la notte alambiki
et meme jusqu’au lever du jour
and every morning ashtanaki
pour le voue de notre amour…

ეს გახლავთ ტექსტი “ფელ შარას” იმ კლასიკური ვერსიისა, რომელსაც ესპანელი ებრაელები მღეროდნენ საუკუნეების განმავლობაში. შეიძლება ნაცნობ ენებსაც კი მოჰკრათ თვალი. გაოცებული ვარ, როგორ ბუნებრივად ენაცვლება ესპანურს იტალიური, იტალიურს არაბული, არაბულს ინგლისური და ა.შ. თითქოს არც არაფერი მომხდარიყოს. მთავარი ხომ ენა არ არის, მთავარი სიყვარულის ისტორიაა, რომელსაც ეს სიმღერა მოგვითხრობს. თითოეულ ენაზე სიყვარულის განსხვავებულ ისტორიას ვაწყდებით. თურქულ ვერსიაში უშკუდარში (ქალაქია თურქეთში) მიმავალი კლერკისადმი ქალის გამოუთქმელ სიყვარულზე მღერიან. ბერძნულში თორმეტი წლის “ნიმფეტკის” ხალის სილამაზით დატყვევებული ჯეელის გმინვას ვისმენთ, არაბული ვერსია ალექსანდრიელი (ალექსანდრია არაბულად “ისქანდარია” ყოფილა!) ლამაზმანების ამბავს მოგვითხრობს… ერთი სიტყვით ეს გახლავთ მულტიკულტურული სიმღერა, რომელიც განასხვავებს კიდეც ხმელთაშუაზღვისპირეთის ხალხებს და ამავდროულად აერთიანებს მათ. თუ გემოვნებაზე მიდგა საქმე, მე ყველაზე მეტად თურქული და სერბული ვარიანტები მომეწონა. თუმცა ვაცნობიერებ რა იმას, რომ გემოვნებაზე დავობენ, ჩემს ხელთ არსებულ ყველა ვერსიის ბმულებს შემოგთავაზებთ Youtube-იდან და თავად განსაჯეთ:

Fel Shara (ladino)
Aπό ξένο τόπο (Greek)
Banat Iskandaria (Arabic)
Katibim (Turkish)
Üsküdar’a gider iken (Turkish)
Zašto suza u mom oku (Bosnian)
Pogledaj me Anadolko (Bosnian)
Ruse kose, curo, imaš 1 (Serbian)
Ruse kose, curo, imaš 2 (Serbian)
Ясен месец веч изгрява (Bulgarian)
Boney-M Rasputin


დიდი მადლობა ლინგვისტუსს!!!

25.03.2009

ნიკოლ კიდმანი და არჯუნ რამპალი უდაიპურში

ჰოლივუდის ვარსკვლავი ნიკოლ კიდმანი ინდოეთში ჩავიდა, სადაც ქალაქ უდაიპურში ხუთი დღის განმავლობაში მონაწილეობას მიიღებს გაზიანი წყლის სარეკლამო კლიპის გადაღებაში. კლიპში მასთან ერთად გამოჩნდება რეკლამის დამკვეთების მიერ შერჩეული ინდოელი მანეკენი და მსახიობი არჯუნ რამპალი. ოკეანის გაღმიდან ჩასულ სტუმარს არჯუნი უკვე უდაიპურში ელოდა. „ნიკოლთან ერთად მუშაობა – ეს ჩემი ოცნებაა! ნამდვილად ვაფასებ მის მსახიობურ ნიჭს და ის ძალიან ძალიან კარგია. აღელვებული ვარ, რომ მასთან ერთად მომიწევს გადაღებები“, – ამბობს არჯუნ რამპალი.

20.03.2009

ბაყაყების ქორწილი ნალექის წამოსვლას შეუწყობს ხელს – დარწმუნებულნი არიან ინდუისტი სასულიერო პირები

ინდუისტმა სასულიერო პირებმა ინდოეთის ჩრდილოეთში ორი ბაყაყის დაქორწინება გადაწყვიტეს, რათა ამით წვიმის ღმერთების წყალობა დაიმსახურონ. ქალაქ გუჰავატში ცხოველთა სამყაროს ქორწინების ცერემონიაზე 2 ათასამდე სტუმარმა მოიყარა თავი. სტუმრები ბაყაყების ნათესავები კი არა, არამედ ადგილობრივი მაცხოვრებლები იყვნენ, რომლებიც გაჭიანურებულმა გვალვამ გააწამა. ცერემონიის დასრულების შემდეგ პატარძალს, რომელსაც „ბიჯული“ ჰქვია (ჭექა–ქუხილი), და სიძეს, რომელსაც „ბარუნს“ (ქარი) ეძახიან, უხვი საზეიმო სუფრით გაუმასპინძლდნენ, რომელშიც ბუზები და მოსკიტები ჭარბობდა (მოსკიტებს ნუ გამახსენებთ... საშინელებაა... მოსკიტების საწინააღმდეგო კრემებით დატვირთული დავდიოდი ქალაქიდან ქალაქში და ღამით ზეწარს სახეზეც კი ვიფარებდი, მაგრამ რას არ იზამ სიყვარულისთვის, ანუ ინდოეთისთვის:)).

ახალდაქორწინებულნი კმაყოფილნი ჩანდნენ, მისულ სტუმრებსაც მოწყენილობა არ ეტყობოდათ. ადგილობრივი ხელისუფლების წარმომადგენელმა განაცხადა, რომ ქორწილმა გადასარევად ჩაიარა, და იმედი გამოთქვა, რომ ყოველივე ამის შემდეგ წვიმა აუცილებლად წამოვა. „რეგიონი მთლიანად გადაწვა მზემ. ჩვენ აღარ ვიცოდით სხვა რა გაგვეკეთებინა“ – თითქოს თავს იმართლებდაო, ისე თქვა მუნიციპალიტეტის წარმომადგენელმა. ადგილობრივი რწმენების მიხედვით, ზეციდან წვიმის გამოსაწვევად სწორედ ასეთი ქმედებებია საჭირო. ბაყაყებს ლამაზად მორთავენ და მთელი დღე მათ ქორწინებას ზეიმობენ.

ბავშვობიდან მახსოვს, ბაყაყი (ანუ როგორ ჩემსკენ სოფელში ეძახიან ბავშვები – ბაჭყატი) არ მოკლა, თორემ წვიმა წამოვაო. ცოტა საპირისპიროა მემგონი, ვიდრე ინდუისტური ტრადიცია. მაგრამ არის ასეთი ტრადიციაც, როცა ივნისის დასაწყისში სხვადასხვა სოფლებში „ელიაობას“ აღნიშნავენ, სალოცავებს ცხვრებს სწირავენ, ზეიმობენ, ქეიფობენ, მაგრამ თუ უნდათ, რომ უფალს წვიმა გამოსთხოვონ, ცხვართან ერთად თხასაც დაკლავენ... ამბობენ თხის დაკვლა უფლის სახელზე არ შეიძლებაო, მაგრამ გვალვისგან თავის დასაღწევად რას არ იზამს კაცი :)

16.03.2009

„ჯურღმულელი მილიონერის“ მსახიობ ბავშვებს გაუმართლათ

რას ნიშნავს 15 წუთით დასწრება „ოსკარით დაჯილდოების ცერემონიაზე 24 წლის დებიუტანტი გოგონასთვის? ფრეიდა პინტოს, ქალის მთავარი როლის შემსრულებელს ფილმში „მილიონერი ჯურღმულებიდან“, ამ წუთებმა მოუტანეს კონტრაქტი კოსმეტიკურ ფირმასთან «Estee Lauder». ფრეიდა პირველი ინდოელი იქნება, ვინც ამ ბრენდის რეკლამაში მიიღებს მონაწილეობას ელიზაბეთ ჰერლისა და გვინეტ პელტროუს გვერდით. გარდა ამისა, მან უამრავი მოწვევა მიიღო სამოდელო ბიზნესიდან. სულ ახლახანს მას «Dolce and Gabbana»–სთვის მოუწია პოდიუმზე გავლა მილანის მოდის კვირეულზე სკარლეტ იოჰანსონთან ერთად. მისი სურათები კი დაიბეჭდა ისეთი ბრჭყვიალა ჟურნალების გარეკანზე, როგორებიცაა «Entertainment Weekly», «Vanity Fair», «Maxim», «Vogue» და «Cosmopolitan». ფრეიდას არტისრული კარიერა ახლა იწყება, და მან კი უკვე მიწვევა მიიღო თვით ვუდი ალენისგან მის ახალ პროექტში მონაწილეობისთვის.

უმუშევრად არც ამ „ოსკაროსანი ფილმის“ სხვა მსახიობი ბავშვები დარჩენილან. აზჰარუდინ ისმაილი შეიხ ხანი და რუბინა რაფიკ ასგარ ალი კურეიში (რომელთაც ფილმის გმირების ბაშვობის როლები შეასრულეს) უკვე 3 მარტს მონაწილეობდნენ რეჟისორ ვასჰუ ბჰაგვანის ფილმის «KAL KISSNE DEKHA» გადაღებაში მუმბაის აეროპორტში. მაგრამ მათთვის მთავარ სიურპრიზად ქვეყნის ხელისუფლების საჩუქარი იქცა. მაჰარაშტრას შტატის (შტატის დედაქალაქია მუმბაი) მთავარმა მინისტრმა აშოკ ჩავანმა განაცხადა, რომ აზჰარუდინისა და რუბინას ოჯახებს ბინები გადაეცემათ უფასოდ სპეციალური რეზერვიდან. მინისტრს მსოფლიოში სახელგანთქმული ბავშვებისთვის ბინების გადაცემის შესახებ მმართველმა პარტიან „ინდოეთის ნაციონალურმა კონგრესმა თხოვა“. კონგრესის პრეზიდენტმა სონია განდიმ ფილმში მონაწილე ინდოელებს მადლობა გადაუხადა. მანამდე ისინი ნამდვილ ჯურღმულებში ცხოვრობდნენ. აზჰარუდინის მამა ძველი ავეჯით ვაჭრობს, როლო რუბინას მამა ხის მჭრელია.

გაგვატარეთ, ვისაც ზღაპრების სჯერა! :)

სხვა სტატიები ამ თემაზე:
*
მილიონერმა მუმბაის ჯურღმულებიდან თბილისში ჩამოაღწია
*
სიურპრიზი ოსკაროსანი „მილიონერის“ ფანებს
* ფილმის „მილიონერი ჯურღმულებიდან“ ტრიუმფი „ოსკარით“ დაჯილდოების ცერემონიაზე
* „მილიონერი ჯურღმულებიდან“ ნამცხვარი „ნაპოლეონის“ შეფუთვით
* ფილმმა „მილიონერი ჯურღმულიდან“ მთავარი „ოქროს გლობუსი“ მიიღო
* მოგზაურობა დარჯილინგში