პრემ ჩოპრა ჰოლივუდში მიიწვიეს

73 წლის „კინო–ბოროტმოქმედი“ პრემ ჩოპრა, რომელსაც 400–მდე უარყოფითი პერსონაჟების როლები აქვს შესრულებული, ჰოლივუდში მიიწვიეს რეჟისორ ფრედ ჰოლმსის ფილმში „სამშობლო“ მთავარი როლის შესასრულებლად. ამჯერად მსახიობი დადებით გმირის – პენჯაბელი გლეხის რანბირ სინგჰის როლს განასახიერებს.

გლეხის შვილიშვილი, რომელიც აშშ–ში დროებით ცხოვრობს, ამერიკელ ქალზე აპირებს დაქორწინებას, რათა ამ ქვეყნის მოქალაქეობა მიიღოს, ხოლო ისტორულ სამშობლოში გაემგზავრება, რათა ბაბუამ დალოცოს ამ ქორწინებისთვის. ფილმის ასევე მონაწილეობას მიიღებენ დივია დატა და ამელია ჯექსონი. ფილმის მოქმედება ორ სოფელში ვითარდება – ტეხასის შტატში და პენჯაბის შტატში. გადაღებები კი მომავალ წელს ლუდჰიანასა და ნიუ–იორკში გაიმართება.

„მიუხედავად იმისა, რომ პენჯაბი და ტეხასი ძალიან განსხვავდება ერთმანეთისგან, ამ შტატების მოსახლეობას ბევრი რამ საერთოც აქვს“ – თქვა ჩოპრამ ინტერვიუში, – „უპირველეს ყოვლისა, ეს არის საკუთარი მიწის სიყვარული და უფროსების პატივისცემა“. ბოლო ფილმი პრემ ჩოპრას მონაწილეობით „დელი, 6“ ამ წლის იანვარში გამოვიდა და კინოგაქირავების ჰიტად იქცა.