დასავლეთი რიტიკს ათვალიერებს

მას შემდეგ, რაც რაკეშ როშანის ფილმი „ფრანები“ კანის კინოფესტივალზე იქნა ნაჩვენები, ჰოლივუდში არ წყდება საუბრები მისი ვაჟის – რიტიკ როშანის იესოსთან მსგავსების შესახებ. ზოგიერთს მიაჩნია, რომ რიტიკის არჩევა ქრისტეს როლისთვის საუკეთესო გადაწყვეტილება იქნება ნებისმიერი ფილმისთვის, რომელიც მაცხოვრის შესახებ მოგვითხრობს. რიტიკმა ისეთი შთაბეჭდილება მოახდინა, როგორც მსახიობმა ჯეიმს კავიეზელმა თავის დროზე, რომელმაც ოთხი წლის წინ ქრისტეს სახე შექმნა მელ გიბსონის ფილმში „ქრისტეს ვნებანი“.

დასავლური წყაროები ასევე ლაპარაკობენ მსახიობ რიტიკ როშანის სხეულის დინამიურ აგებულებაზე, ენერგიულ მზერასა და მზის ნარუჯზე. მსოფლიოში ცნობილი საქასტინგო საგენტოები ყურადღებით აკვირდებიან რიტიკს. ამის მიუხედავად რიტიკის მამა, რეჟისორი რაკეშ როშანი უარყოფს ხმებს, რომ მის ვაჟს იესოს ამგვანებენ, მაგრამ დაადასტურა, რომ ფილმმა „ფრანები“ მოწონება დაიმსახურა. მისი თქმით, „ბევრი ადამიანია, ვინც თვლის, რომ რიტიკი იდეალურია დასავლური ბაზრისთვის. მაგრამ მე არ მსმენია კომენტარები მისი იესოსთან მსგავსების თაობაზე. მეც არ შემიძლია ამაზე კომენტარის გაკეთება და არც იმის საშუალება მაქვს, რომ ყველა ჭორი და კომენტარი მოვისმინო“.

„ფრანების“ საერთაშორისო ბაზარზე გატანით რიტიკის პოპულარობა და მოთხოვნილება მასზე ისე გაიზარდა, როგორც არასდროს აქამდე.